Se muestran los artículos pertenecientes a Marzo de 2007.
13/03/2007
SELECCIÓ DE TEXTOS LLATINS
Selecció de textos llatins
1
Italia terra est. Sardinia insula est. Scriba sum. Poëta es. Nauta non sum. Agrigola non es. Scriba, non poëta sum. Ubi es? Adsum. Ubi est nauta? Non adest, abest. Ubi estis? Hic sumus. Ubi sunt nauta et agricola? Non adsunt, absunt.2
Hic rose deest. Scriba poëta est. Ubi eras, nauta? In provincia eram. Ante oram insula erat. Post villam silva est. Collega scribae aberat. Patriae non deeramus. Villae poëtae praeeram. Ubi eratis? In silva eramus. Agricola et nauta ab insula aberant. Sardinia patri nautae est.3
Cur rosae hic desunt? Ubi eris? Apud scribas ero. Inter incolas pugna erit. Feminae nautarum a casis aberunt. Cenis poëtae intereramus. Ubi eritis, agricolae? Villis Siciliae praeerimus. Supra silvam qvattuor villae erant. Incolae insulae nautae erant.4
Brutus amicus populi erat. Adesne, serve? Adsum, domine! Infra murum hortus est. Tyrannus populo praeerat. In horto qvinqve rosae sunt. Circum muros fossae sunt. Amici filiorum cenae intererant. Amicis non deero. Eratisne sine sociis?5
Ubi est ager scribae, puer? Populus ministro tyranni non aderit. Apud generum poëtae ero. Agricola in agro generi aderat. Ubi sunt libri magistri? Servi liberis tyranni deerant. Per agros insulae sex viae ad oram sunt. Feminae cenis virorum non intererant. Magister pueris non deerit.6
Aurum et argentum et ferrum metalla sunt. Templum inter portam et forum est. Intererantne incolae oppidi proelio? In caelo stellae sunt. In templis signa deorum erant. Periculis bellorum interero. In insula septem oppida sunt.7
Dominus vir justus est. Cur aberas, serve fide? Gloria Romae magna erat. Viae insulae parvae angustae sunt. Bellum ferum et cruentum erat. Anni opportuni sunt. Extra templum octo signa magna erant. Ancilla fida consilio malo servorum non intererat. Nauto bonus aderat. Cenae poë magni intereramus. Nautae Romani proelio cruento intererant. Oppido soli, non toti provinciae praeerat. In ora totius insulae villae sunt.8
Ancilla nova pigra est. Inter eqvos nigros albus erat. Bello asppero intereram. Viri nigri liberi non erant. Vita nautarum misera est. Forum Romanum pulchrum erat. Bella Romanorum prospera erant. Agricolae misero adero. Intra muros novem fora magna et pulchra erant. Per aspera ad astra.9
Non semper cautus fui. Beatus fuisti, amice care! Victoria Romanorum clara fuit. Heri afuisti, hodie ades, cras rursus aberis. Nautae misero affuimus. Damna agricolae magna fuerunt. Pigrae fuistis, puellae! Decem proeliis interfui.10
Ira populi magna fuerat. Scribae misero saepe affueras. Sine causa afueramus. Incauti antea fueratis. Agri Siciliae fecundi fuerant. Et primo et secundo bello interfueram. Si agricolis miseris affueritis, laeti erunt.11
Utinam gratus sis, serve! Simus industriae, puellae! Utinam fortuna populo adsit! Utinam animus tyranni humanus esset! Si parci essetis, beatus essem. Laeti essemus, si praemia certa essent. Tertius. Qvartus.12
Utinam cum bestiis in agro fuisses, serve! Utinam filii et filiae affuissent! Si severus fuissem, damna exigua fuissent. Oppidum salvum esset, si fossa satis alta fuisset. Incertum est, num nautae Romani proelio interfuering. Qvintus. Sextus.13
Es gratus, puer! Interes pugnae, vir bone! Este liberi, servi! Honestum est amicis adesse. Inhonestum est officiis amicitiae defuisse. Utinam annus futurus opportunus sit! Septimus. Octavus. Nonus. Decimus.14
Vinum bonum amatis. Ubi habitas? Non semper errat fama. Agri fecundi oculos agricolae delectant. Magistrum interrogamus. Romani multos deos adorabant. Tum in silva ambulabam. Servi non militabant. Puellas industrias laudabo. Tyrannus servos armabit. Socii bellum renovabunt. Undecim. Undecimus.15
Cur poëtae rosas donavistis? Tribuno viam monstravi. Surdo narravisti fabulam. Brutus patriam armis liberavit. In Graecia pugnavimus. Pugnaveruntne servi? Silva nautas umbra delectaverat. Si piratae insulam occupaverint, pugnabimus. Duodecim, Duodecimus.16
Agricola non hic habitat; interrogemus servum, ubi agricola habitet. Properemus! Utinam nuntius victoriam nuntiet! Utinam ne ruinam patriae spectemus! Utinam ne Poeni oras vastarent! Si pericula vitaretis, beati essetis. Utinam tribunus pericula occulta evitavisset! Malus fuissem, si viro misero auxilium negavissem. Dubito, num Romani Hispaniam occupaverint. Incertum est, num populus tyrannum fugaverit. Laboremus pro patria! Tredecim. Tertius decimus.17
Longa est via, propera! Pueros pigros vitupera! In aqva nate, pueri! Errare humanum est. Periculosum erit prope oppidum castra locare. Agricolam delectabat in terram tam fecundam emigravisse. Qvattuordecim. Qvartus decimus.18
Multi Graeci in Asiam militatum navigaverunt. Militia dura toleratu erat. Filius servi ad laborandum satis validus est. Studium pugnandi magnum erat. Liber de navigando est. Nauta errans ad casam servi properavit. Servi militaturi tyrannum salutaverunt. Graecus navigaturus Neptunum invocat. Qvindecim. Qvintus decimus.19
A magistro laudaris. Ora a piratis vastatur. Morbo debilitamini. Fabula pueris a nauta narratur. Eqvis pulchris delectabar. Pugnabatur ad portas. Multa temple dis aedificabuntur. Aqvila in laqveum implicata est. Hodie tribuni creati sunt. Si socii superati erunt, patria in periculo erit. Diu pugnatum erat. Sedecim. Sextus decimus.20
Utinam ne in proelio vulnereris! Utinam ne fortuna mutetur! Utinam insulae auris frigidis recreentur! Forum pulchrum esset, si signis ornaretur. Utinam a magistris ne castigaremini! Dubito, num castella expugnata sint. Incertum erat, num scriba injusto judicio damnatus esset. Septendecim. Septimus decimus.21
Vita delectamini! Periculum evitari potest. Tribunus necatus ex foro in curiam portatus esse narratur. Vipera necata esse narrabatur. Ferae necandae sunt. Pugnandum est. Patria liberanda est. Patriam liberatam mox spectabimus. Viginti. Vicesimus.22. Fabula de agricola et vipera
Agricola in silva ambulans viperam propter auras frigidas semianimam calcavit. Malam bestiam non necavit, sed sub ala collocavit, ubi mox recreata est. Sed fera naturam insitam non mutaverat et agricolam necavit. Vir bonus, anteqvam exspiravit, exclamavit: "Non sine justa causa necor, nam ferae necandae vitam donavi." A malis gratia exspectanda non est.23
Aqvilae nidos in saxis habent. Vestigia terrent. Deos aeternos et beatos habemus. Nauta in horto jacebat. Odium populi tyrannum non terrebit. Discipulos monuisti. Elephanti Romanos terruerant. Si patria floruerit, dis gratiam debebimus. Populos viros bonos tribunos creare debet. Undeviginti. Undevicesimus.24
Janua patet. Cura, serve, ut janua pateat! Monemus servos, ut dominis pareant. Incolis miseris frumentum praebeamus! Utinam ne oculus doleret! Si justi essetis, viris bonis placeretis. Dubitasne, num aqvilae agnis nocuerint? Si stellae splenduissent, nautae servati essent. Duodeviginti. Duodevicesimus.25
Dis gratiam habe! Tacete, pueri! Salve, amice! Vale, puer! Valete, puellae! Pueri magistris parere debent. Viris egregiis paruisse honestum est. Agricolae frumentum praebituri esse narrantur. Romani in insulam navigaverunt incolas feros territum. Pueros a nocendo deterrete! Poëta in ripa jacens servum advocavit. Viginti qvattuor. Vicesimus qvartus.26
Frustra moneris. Piratae ab incolis orae timentur. Tyrannus et injustus et ferus habetur. Magna pecunia amico debebatur. Ancilla timida a servo territa est. Poenos superabimus, si elephanti telis territi erunt. Viginti qvinqve. Vicesimus qvintus.27
Curabimus, ut a piratis timeamur. Utinam tyrannus saevus et impius a necando deterreatur! Si templum aedificavissemus, grati erga deos habiti essemus. Dubito, num frumentum ab incolis praebitum sit. Interrogavi, cur pueri moniti non essent. Viginti sex. Vicesimus sextus.28
A servis timemini, domini! Maleficia tyranni prohiberi non possunt. Viro bono noceri non potest. Poeni elephantos territos confirmabant. Mala non modo timenda, sed etiam prohibenda sunt. Aqvila horrenda puerum procul in saxa asportavit. Viginti septem. Vicesimus septimus.29. Fabula de aqvila et agricola
Aqvila nidum in saxis non procul a villa agricolae habebat. Aliqvando in laqveum implicata est et qverelis agricolam advocavit. Cum aqvila agnis numqvam nocuisset, agricola feram liberavit. Mox, cum sub muro caduco jaceret, aqvila advolavit et pileum viri in nidum asportavit. Agricola, causam rapinae ignorans, aqvilam ingratam habet atqve in saxa properat pileum recuperatum. Cum rursus villae appropinqvaret, ruinam muri spectavit et gratiam aqvilae habuit.30
Hannibal consules Romanos superavit. Solem meridianum vita! Jugurtha in carcere subterraneo necatus est. Frater tribuni cura mulieris Graecae servatus est. Patri et matri parere debemus. Verba consulis patribus placent. Ornamenta mulierum pulchra erant. Triginta. Undetriginta. Duodetriginta. Tricesimus. Undetricesimus. Duodetricesimus.31
Non modo oratio egregia, sed etiam sermo jucundus animum delectat. Consvetudines malae hominum vituperandae sunt. Templa imaginibus deorum ornata erant. In templo Apollinis signum argenteum erat. Nomen Ciceronis discipulis notum est. Castra legionis Romanae non procul a flumine aberant. Carmina poëtarum virgini grata erant. Triginta qvattuor. Tricesimus qvartus.32
Cicero orator clarus fuit. Colores florum oculos delectant. Mores nationum ferarum laudandi non sunt. Non modo frigus, sed etiam calor arboribus nocet. In insula templum Veneris erat. Vipera propter frigus semianima erat. Qvattuor tempora anni sunt. Dolores corporis generi humano duri toleratu sunt. Vulnus consulis dolebat. Triginta sex. Tricesimus sextus.33
Judices justi legibus parent. Virgo ante lucem vocibus servorum excitata est. Gutta cavat lapidem. Cato severus custos legis fuit. Rex aetate debilitatus erat. Virtutes juventutis et senectutis diversae sunt. Numerus magnus militum in silva occultabatur. Veritas temporis filia est. Qvadraginta. Qvadragesimus.34
Pavo avis Junonis deae erat. Aures asini longae sunt. Sulla propter caedem foedam civium vituperandus est. In regno numerus magnus urbium et arcium erat. In monte propinqvo multi fontes erant. Orandum est, ut sit mens sana in corpore sano. Qvinqvaginta. Qvinqvagesimus.35
Navis e mari in flumen navigabit. In maribus multa genera piscium sunt. Retia piscatorum plena erant. Homines et bestiae animalia sunt. Eqvus piger calcari eget. Parsimonia magnum vectigal est. Sexaginta. Sexagesimus.36. Fabula de milvo ingrato
Milvus olim in laqveum implicatus est. Cum mortem timeret, murem clamoribus advocavit. Bestiola benigna preces avis miserae non repudiat; brevi laqveum dentibus dilacerat. Sed milvus non modo gratiam non habuit, sed etiam beneficium maleficio compensavit; nam murem statim devoravit.37
Dolores eqvitis acres fuerunt. Mors celeris bonum est. Somnus levis hominibus utilis est. Sine forti duce milites fortes inutiles sunt. Eqvus onere gravi non delectatur. Non omnium hominum vita honesta est. Non omnia possumus omnes! Dux Romanus classem Carthaginiensem superavit. Vita brevis, ars longa (est). Septuaginta. Septuagesimus.38
Canes saepe prudentes sunt. Ingenium consulis clemens erat. Audacia consilia non semper prudentia sunt. Post pugnam atrocem castra hostium expugnata sunt. Romani Carthaginienses proelio felici superaverunt. Vinum vetus dulce est. Carmina poëtarum veterum pulchra sunt. Octoginta. Octogesimus.39
Tribunus cautior qvam consul fuit. Pedites fortiores eqvitibus fuerunt. Vinum Graecum dulcissimum est. Pax civibus utilissima est. Consilium amici prudentius fuit. Romani potentissimi omnium populorum fuerunt. Caesar dux felicior fuit qvam Pompejus. Proelio atrocissimo olim interfui. Nonaginta. Nonagesimus.40
Tempia Syracusarum pulchriora qvam Romae fuerunt. Navigatio pulcherrima et celerrima fuit. Filius patris simillimus, disimillimus matris est. Facillimum erat consuli castra expugnare. Negotium legati Romani difficillimum erat. In ripa humillima arbores gracillimae erant. Nonaginta octo. Nonagesimus octavus.41
Sociorum clades major qvam Romanorum fuit. Pulchritudo animi melior est qvam corporis. Juppiter Optimus Maximus nominabatur. Mus animal minimum est. Pejor homo numqvam fuit. Sullae multum debetis, sed plurimum servis Sullae. Marcus plus valet qvam frater. Centum. Centesimus. Undecentum. Undecentesimus.42
Superior para montis silvestris, inferior nuda est. Salus populi summa lex est. Interiores nationes omnes ferae sunt. Extrema pars epistulae amicissima est. Cis flumen postremi fugati sunt. Gallia citerior terra fecunda erat. Castra hostium ultra montes proximos erant. Valet ima summis mutare deus. Centum qvadraginta septem.43
Non omnes judices juste judicant. Festina lente! Celeriter et feliciter in Asiam navigavimus. Servus dominum bene et prudenter monuit. Hostis heri difficulter, hodi facile superatus est. Legio qvarta melius et fortius qvam octava pugnavit. Mater puerum severius qvam pater vituperavit. Dux Romanus tyrannum celerrime et facillime fugavit. Milites fortissime pugnaverunt.44
Exitus prosper belli exercitui forti debetur. Luscinia omnes aves cantu superat. In ora portus boni sunt. Novis casibus nova consilia apta sunt. Domini magnarum domuum superbi sunt. Longae regibus sunt manus. Genu, non manus dolet. Cornua cervi pulchra sunt. Ducenti. Ducentesimus.45
Fides res rara est. Tumultus sociorum rei publicae periculosi sent. Locus aciei hostium opportunus erat. Pro re publica pubnavimus. Longi dies jucundi, breves injucundi sunt. Ante meridiem hostis fugatus erat. In difficilibus rebus spem servavi. Exitus rerum novas spes excitavit. Spes est ultimum rerum adversarum solatium. Trecenti. Trecentesimus.46. Fabula de columbis incautis
Milvus columbas semper terrebat. Tum columbae praesidium accipitris imploraverunt. Accipiter jam in columbario habitavit et milvum fugavit, sed post paucos dies omnes columbas devoraverat. Malus exitus consilio malo debetur.47
Ego et amici mei vobis pecuniam debuimus. Pater noster te et sororem tuam laudat. Patrem nostrum amamus. Pauci nostrum cum hostibus pugnaverunt. Multi vestrum mihi non paruerunt, pueri! Milites se armaverant. Amicus fratris vestri corpus suum laboribus debilitavit. Qvadringenti. Qvadringentesimus.48
Hic pons longissimus est. Haec vallis omnibus placet. Hoc bellum majus est qvam illud. Hi viri miserrimi sunt. Exitus hujus belli infelicior fuit qvam illius. Tempora mutantur, et nos mutamur in illis. Ista verba mihi displicent. Imperator ipse a castris aberat. Dolus consulis ipsi magis qvam hosti nocuit. Qvingenti. Qvingentesimus.49
Is et filius ejus eandem domum laudaverunt. De ea re etiam aliud narratur. In iis proeliis Romani contra copias integras pugnaverunt. Idem non omnibus placet. Alios delectat hoc vinum, displicet aliis. Alter consul hostes fugavit, alter necatus est. Sexcenti. Sexcentesimus.50
Alexander, qvi Magnus appellatur, filius Philippi fuit. Carmen, qvod vos laudatis, etiam nobis placet. Qvis vestrum affuit, pueri? Cui placet illa mulier? Cujus his liber est? Qvid pulchrius est qvam virtus? Qvod flumen longissimum est? Utri vestrum placuit oratio consulis? Septingenti. Setingentesimus.51
Si qvis honestus est, omnes boni eum amant. Adolescens amore alicujus puellae occupatus est. Nonne aliqvis vestrum affuit? Num qvemqvam deus magis amavit qvam te? Neqve mihi neqve tibi spes est ullius salutis. Bestiae qvaedam ferae sunt. Octingenti. Octingentesimus.52
Sibi qvisqve placet. Sua cuiqve domus erat. Faber est suae qvisqve fortunae. Utraqve soror me amat, sed ego neutram amo. Cur neminem laudas? Nihil viris bonis nocet. Nulla civitas potentior fuit qvam Romanorum. Nullius urbis templa pulchriora erant qvam Athenarum. Nongenti. Nongentesimus.53
Frigus tantum fuit, qvantum numqvam antea fuerat. Qvalis dominus, tales servi. Qvot homines, tot sententiae. Qvantus fuit numerus navium? Qvot sunt litterae lingvae Latinae? Numerus hostium aliqvantus erat. Aliqvot hostes necavimus.54
Mihi sunt duae sorores. Tria bella Punica fuerunt. Res publica Romana qvadringentos undeoctoginta annos libera fuit. Duo millia peditum et mille eqvites a proelio afuerunt. Exercitus sexaginta millium militum in Asiam transportatus est. Secunda hora milites se armaverunt. Caesar decimam legionem in sinistro cornu, nonam in dextro collocavit. Anno millesimo ducentesimo octogesimo sexto rex necatus est.55. Fabula de pavone invido
Pavo olim Junonem deam sic interrogavit: "Cur mihi, tantae et tam pulchrae avi, cantus donum negavisti lusciniaeqve donavisti, qvam ego aliis omnibus virtutibus supero?" Tum dea invidiam ejus his verbis vituperavit: "Non sine causa lusciniae donavi, qvod tibi negavi. Nam usus omnia bona habere non debet."56
Ille scriptor multos libros scribit. Verum non dicitis. Pons insulam et urbem jungebat. Cras exercitum adversus hostem ducam. Bellum numerum civium minuet. Incolae oppidi portas hosti claudunt et arma capiunt. Cur nihil facis? Ambulas. Times. Scribis. Properabo. Parebo. Scribam.13/03/2007 17:04 Autor: francisco domínguez. Enlace permanente. Tema: LLATÍ I No hay comentarios. Comentar.
Dies Carnavalis
Hic annus ad Vinaros eamus, ubi dies Carnavalis celebrabatur et omnes contenti erant.
Pulchrae aut formosae mulieres erant, quae felices et splendidae in pompa videri poterant.
CARNAVAL, CARNAVAL, CARNAVAL TE QUIERO...
Etiam plus in Carnavalem fuit. Mulieres hominesque vinum et alios licores bibebant. Puellae puerique magnum spectaculum videbant, et magna laetitia saliebant.
14/03/2007
TEXTOS ADAPTATS: MITE DE TESEU I EL MINOTAURE
TESEO Y EL MINOTAURO Antiquis temporibus erat in insula Creta horrendum monstrum, Minotaurus nomine. Monstrum habebat caput tauri in humano corpore atque in Labyrintho habitabat. Labyrinthus erat magnificum aedificium unde homines exire nesciebant, nam multae viae flexae faciebant errorem. In Labyrintho rex Minos Minotaurum hominibus vivis alebat. Itaque Athenienses multos pueros multasque puellas quotannis in Cretam mittere debebant atque monstrum saevum omnes avide vorabat. Minos, Cretae rex atque Minotauri pater, paucis annis antea magno bello Athenas vicerat. Victor non solum magnam pecuniam, sed etiam multos obsides ab Atheniensibus quotannis flagitabat atque obsidibus Minotaurum alebat. Sed Theseus, Athenarum regis filius, Minotaurum occidere constituit. Itaque cum obsidibus in Cretam pervenit. Cretae rex filiam pulchram quoque habebat, Ariadna nomine. Ariadna, magno amore Thesei capta, Theseum servare constituit. Itaque Theseo longum filum dedit ut certam viam ad portam Labyrinthi invenire posset. Theseus in Labyrinthum intravit atque Minotaurum post longam pugnam gladio occidit. Deinde auxilio fili ad portam Labyrinthi facile per venit atque e Labyrintho evasit. Ita Athenienses obsides a saevitia monstri liberavit. Ariadna cum Theseo e Creta, patria sua, evasit, sed Theseus nocte in insula Naxo Ariadnam reliquit atque in patriam suam navigavit. Mane Ariadna, e somno excitata, Theseum in litore frustra quaesivit, multisque cum lacrimis frustra vocabat, dum capillos vestemque scindebat maesta atque magna aegritudine afflicta. Tunc Bacchus deus in insulam Naxum venit atque Ariadnam a solitudine ac periculis liberavit. Postquam Theseus Ariadnam in litore deseruit ad patriam vento secundo laetus navigabat. Aegeus, Thesei pater Athenarumque rex, de altis saxis in mare prospiciebat, nam filium suum anxius opperiebatur. Iam Theseus patriae suae litoribus appropinquabat, cum pater Aegeus atra vela navigii conspexit. Theseus enim non mutaverat atra vela candidis velis ut victoriam nuntiarent. Itaque Aegeus pater mortem filii ex atro colore velorum putavit atque dolore amens sta- tim de alto saxo in mare se proiecit. Ex eo tempore Graeci mare, ubi Aegeus mortem invenit,"mare Aegeum" nominaverunt. Post Aegei mortem, Theseus rex Athenarum fuit multosque per annos magna sapientia patriam suam rexit.
14/03/2007 14:35 Autor: francisco domínguez. Enlace permanente. Tema: LLATÍ I No hay comentarios. Comentar.
CONSPECTUS LATINUS
Un web força interessant que he visitat és el de CONSPECTUS LATINUS, de les Illes Balears:
http://www.menorcaweb.net/iesjmq/iesjmq/departaments/classiques/fit.php?doc=18
Tracta temes de morfologia i sintaxis, llengua i cultura, exercicis i textos adients per a Llatí I i II.
Per exemple:
Exercicis de primera i segona declinació
- Digues en quin cas i nombre poden estar les següents formes:
populi
magistro
bella
verbum
agros
ludorum
14/03/2007 17:07 Autor: francisco domínguez. Enlace permanente. Tema: LLATÍ I No hay comentarios. Comentar.
Apologia de Sòcrates, de Xenophont. traducció lliure i comentaris
SI NECESSITEU AJUDA A L'HORA DE TRADUIR I ANALITZAR L'APOLOGIA DE SÒCRATES, PODEU VISITAR LA PÀGINA WEB O EL BLOG
ithaka.blogia.com (sense www.).
- Un blog és un recurs informàtic on es poden escriure articles, donar informació de diversa índole i fer comentaris si cal.
- Fer un blog és una tasca molt laboriosa (ardua labor).
14/03/2007 22:06 Autor: francisco domínguez. Enlace permanente. Tema: GREC II No hay comentarios. Comentar.
27/03/2007
llibres a bon preu
Si voleu llibres de 2a mà a bon preu, visiteu la pàgina www.iberlibro.com.
Si voleu més d'un llibre intenteu que siguen de la mateixa font o ciutat, i així us eixiràn els llibres i les despeses d'enviament més econòmics.
LA PÀGINA FIGURA EN ELS ENLLAÇOS.
.